پلوامہ ڈسٹرکٹ ٹیبل ٹینس ایسوسی ایشن نے جموں کشمیر ٹیبل ٹینس ایسوسی ایشن کی زیر نگرانی گورنمنٹ ہائر سیکنڈری سکول ڈاڈسرہ، ترال میں ٹیبل ٹینس ٹورنامنٹ کا اہتمام کیا۔ ٹورنامنٹ میں کل مقامی 75کھلاڑیوں نے شمولیت کی۔
ہفتہ کو ٹورنامنٹ کے آخری روز کئی میچز کھیلے گئے جن میں کھلاڑیوں نے جوش اور جذبے کے ساتھ شرکت کی۔
ٹورنامنٹ کے اختتام پر بہترین کارکردگی کا مظاہرہ کرنے والے کھلاڑیوں کی عزت اور حوصلہ افزائی کے لیے انعامات و اسانید تقسیم کیے گئے۔
میڈیا سے بات کرتے ہوئے آرگنایزنگ سیکریٹری نے بتایا کہ ترال میں اس نوعیت کا یہ پہلا ٹورنامنٹ منعقد کیا گیا۔
مزید پڑھیں: کھیل کود کی سرگرمیوں کو فروغ دینے کے لیے ترال میں ٹورنامنٹ کا آغاز
انہوں نے مزید کہا کہ ٹورنامنٹ میں بہترین کارکردگی کا مظاہرہ کرنے والے کھلاڑیوں کو دیگر مقابلہ جات میں حصہ لینے کا موقع فراہم کیا جائے گا۔
انہوں نے کہا کہ کھیل کود کی سرگرمیوں سے نہ صرف طلبہ ذہنی و جسمانی طور تندرست رہتے ہیں بلکہ اس سے وہ سماجی برائیوں خصوصا منشیات سے دور رہتے ہیں۔
