جنوبی کشمیر کے سب ضلع ترال کے خانہ گنڈ علاقے میں لوگوں نے محکمہ تعمیرات عامہ کے خلاف احتجاج کیا۔
ترال: قبرستان کے بیچوں بیچ سڑک کی مجوزہ تعمیر پر لوگوں کا احتجاج
احتجاج کر رہے درجنوں مرد و زن نے مقامی قبرستان کے بیچوں بیچ سڑک کی مجوزہ تعمیر پر محکمہ تعمیرات عامہ کو شدید تنقید کا نشانہ بنایا۔
مقامی باشندوں نے الزام عائد کرتے ہوئے کہا کہ محکمہ تعمیرات عامہ کی جانب سے مقامی قبرستان کے بیچوں بیچ سڑک تعمیر کی جا رہی ہے جس سے مقامی لوگوں کے جذبات مجروح ہو جائیں گے۔
مزید پڑھیں؛ ترال: منہ کھر بیماری سے ایک درجن جانور ہلاک، انتظامیہ خاموش تماشائی
انہوں نے کہا کہ مقام قبرستان میں انکے آباء و اجداد دفن ہیں اور اس کے بیچوں بیچ سڑک سے کثیر آبادی کے مذہبی جذبات کو زک پہنچے گا۔
خانہ گنڈ کے لوگوں نے احتجاج کرتے ہوئے سڑک کو قبرستان کے کنارے تعمیر کیے جانے کا مطالبہ کیا۔
