لاک ڈاؤن کے دوران عوام کو گھر کی دہلیز پر ادویات، کھانے پینے کی اشیاء سمیت دیگر سامان فراہم کرنے کی غرض سے ضلع پلوامہ کے قصبہ ترال سے تعلق رکھنے والے ایک نوجوان نے آن لائن اسٹور کی شروعات کی۔
’’پھٹا پھٹ‘‘ نامی آن لائن اسٹور کی افتتاحی تقریب کے دوران اسٹور کے مالک نے کہا کہ قصبہ ترال کے باشندوں کو سرینگر سے اشیاء منگوانے میں کافی دقتیں پیش آتی تھیں جس کے لیے ایک مقامی اسٹور کی کمی کو دیکھتے ہوئے انہوں نے یہ اقدامات اٹھایا۔
میڈیا سے بات کرتے ہوئے انہوں نے کہا کہ لاک ڈاؤن کے دوران عوام کو سہولت پہنچانے کی غرض سے انہوں نے آن لائن اسٹور کی شروعات کی، تاکہ عوام کو گھر بیٹھے ہی اشیاء ضروریہ مہیا ہو سکیں۔
انہوں نے دعویٰ کیا کہ اسٹور سے اشیاء خورد و نوش اور ادویات سمیت دیگر سبھی اشیاء کو محض 45منٹوں میں گھر کی دہلیز تک پہنچایا جائے گا۔
عوامی حلقوں نے نوجوان کی جانب سے شروع کی گئی پہل کی کافی پذیرائی کرکے نیک خواہشیات کا اظہار کیا ہے۔
