ضلع پلوامہ کے پتل باغ، پانپور علاقے کی بیشتر آبادی کا روزگار زراعت کے ساتھ ہی وابستہ ہے۔ تاہم یہاں کے کسان سینچائی کا معقول انتظام نہ ہونے کے سبب بے حد پریشان ہیں۔
ضلع پلوامہ کے ’’ایگریکلچرل ولیج‘‘ کہلائے جانے والے پتل باغ کے لوگ مختلف اقسام کی سبزیوں اور پھلوں کے علاوہ دھان کی کاشت بھی کرتے ہیں۔ تاہم کسانوں کا کہنا ہے کہ انہیں رواں برس دھان کی فصل سے خاص امید وابستہ نہیں ہے۔
کسانوں کا کہنا ہے کہ جون کے ابتدائی ایام میں سینچائی کا معقول انتظام نہ ہونے کے سبب کسان وقت پر پنیری نہیں لگا سکے جس کے سبب انہیں رواں برس دھان کی فصل سے خاص امیدیں وابستہ نہیں ہیں۔ تاہم انکے مطابق اگر آئندہ چند دنوں میں فصلوں کی سینچائی نہیں کی گئی تو وہ میوشیوں کے لیے چارا بھی نہیں جٹا پائیں گے۔
کسانوں نے علاقے میں سینچائی کا معقول انتظام نہ ہونے پر انتظامیہ خصوصا محکمہ اریگیشن کے خلاف برہمی کا اظہار کیا۔
مزید پڑھیں: سوپور: سنچائی کا معقول انتظام نہ ہونے سے کسان پریشان
کسانوں نے دعویٰ کیا کہ گزشتہ کئی برسوں سے سینچائی کا بہتر انتظام نہ ہونے کے سبب انکی فصلیں خراب ہو رہی ہیں جبکہ ’’محکمہ اریگیشن خواب غفلت میں ہے۔‘‘
