ضلع پلوامہ میں قصبہ ترال کے واگڈ علاقے میں عوامی مقام پر جوا کھیلنے والے چار افراد کو گرفتار کرکے پولیس نے انکے خلاف ضابطے کے تحت کارروائی شروع کر دی ہے۔
پولیس چوکی آری پل سے وابستہ اہلکاروں نے واگڈ کے مقام پر جوا کھیل رہے چار قمار بازوں - عبد الرشید ساکن واگڈ، غلام حسن ڈار ساکن گوری کدل اونتی پورہ، مشتاق احمد ساکن واگڈ اور بلال احمد شیخ ساکن نودل - کو گرفتار کر لیا ہے۔
پولیس ذرائع کے مطابق داؤ پر لگائی گئی چھ ہزار نو سو نوے روپے نقدی کو بھی ضبط کر لیا گیا ہے۔
عوامی حلقوں نے پولیس کی اس کارروائی کی سراہنا کی ہے۔
