اونتی پورہ پولیس نے 12 ویں جماعت کے امتحانات میں پولیس ضلع کے تحت آنے والے علاقوں سے ان چند طالبات کی حوصلہ افزائی کی جنہوں نے بورڈ امتحان میں شاندار کارکردگی کا مظاہرہ کیا۔
اونتی پورہ پولیس نے طلبا کو مومنٹو اور اسناد سے نوازا جن میں صبا رفیق، نور صبا، غزالہ جاوید، ماہیبہ وسیم، بتول فیاض اور دیگر طالبات شامل ہیں۔ یہ طالبات ترال اور پامپور کے علاقوں سے تعلق رکھتی ہیں جنہوں نے اعلی نمبرات کے ساتھ بارہویں جماعت کا امتحان پاس کیا۔
ایس ایس پی اونتی پورہ نے ہونہار طالبات کے ساتھ بات چیت کرتے ہوئے انہیں تعلیم میں شاندار کارکردگی پر مبارکباد پیش کی۔ اس کے علاوہ انہوں نے اساتذہ اور والدین کی کاوشوں کو بھی سراہا۔
ایس ایس پی اونتی پورہ نے طالبات کو مشورہ دیا کہ وہ آگے بھی اسی جذبے کے ساتھ پڑھائی کر کے دیگر طالبات کے لیے مثال قائم کریں۔
جموں و کشمیر پولیس کی جانب سے منعقد کی گئی اس اعزازی تقریب کے موقع پر ایس ایس پی اونتی پورہ طاہر سلیم مہمان خصوصی کے طور پر شریک ہوئے، اس کے علاوہ تقریب میں ایس ڈی پی او اونتی پورہ اور ڈی وائی ایس پی اونتی پورہ بھی موجود تھے۔
