ترال میں غیر ریاستی مزدوروں کی ایک بڑی تعداد بھی کورونا متاثر پائے گئے ہیں، جس کی وجہ سے عوامی حلقوں میں تشویش کی لہر دوڑ گئی ہے اور وہ اس بات کو لیکر ناراضگی کا اظہار کر رہے ہیں کہ انتظامیہ کس طرح غیر ریاستی مزدوروں کو بغیر ٹیسٹ کے وادی میں داخل ہو رہے ہیں۔
ای ٹی وی بھارت کے ساتھ بات کرتے ہوئے ترال کے سماجی کارکن محمد اقبال ریگو نے اس بات پر انتظامیہ کی تنقید کی ہے کہ ترال علاقے کو کورونا وائرس میں مبتلا کرنے کی مذموم کوشش کی جا رہی ہے اور وہ یہ بات سمجھنے سے قاصر ہیں کہ کس طرح صورتحال کو کنٹرول کیا جائے۔
محمد اقبال ریگو نے مزید بتایا کہ مقامی لوگوں کو وادی میں ۤنے سے قبل کورونا ٹیسٹ لئے جاتے ہیں، لیکن نہ جانے کیوں غیر ریاستی مزدوروں کی ٹیسٹنگ عمل میں لانے کے لیے سرکار سنجیدہ نہیں ہے۔لہزا اس بارے میں ٹھوس اقدامات کرنے کی ضرورت ہے۔ انہوں عوام سے اپیل کی کہ وہ رہنما خطوط کی پاسداری کریں کیونکہ علاقے میں کورونا کےمعاملات میں دن بدن اضافہ ہو رہا ہے اور وقت کی پکار ہے کہ غیر ضروری طور پر باہر نکلنے سے پرہیز کریں۔
