جموں و کشمیر کے ضلع پلوامہ میں آج رہبر تعلیم فیزکل ٹیچرس نے ڈی سی آفس پلوامہ کے باہر اپنے مطالبات کو لے کر احتجاجی مظاہرہ کیا۔ ٹیچروں کا مطالبہ ہےکہ انہیں مستقل کیا جائے۔
اس دوران ٹیچروں نے کہا کہ ہم لوگوں لفٹنٹ گورنر کے پلوامہ دورہ کے پیش نظر اپنے مطالبات کو لے کر ملنے آئے تھے تاہم انہیں گورنر سے ملنے کی اجازت نہیں دی گئی ہے۔
انہوں نے کہا یہ باعث تشویش ہے کہ انہیں اپنے مطالبات کو بتانے کا موقع نہیں دیا گیا ہے۔ مظاہرین نے اپنے ہاتھوں میں پلے کارڈس لے رکھا تھا، جس پر 'ایکول ورک ایکول ویجز' تحریر تھا۔
ٹیچروں نے کہا کہ ان کے مطالبات کو انتظامیہ پورا کرے تاکہ ان کے اہل خانہ فاقہ کشی سے بچ سکیں۔
اس سلسلے میں ایک مظاہرین اعجاز احمد نے بتایا کہ ہم اعلیٰ تعلیم یافتہ نوجوان ہیں لیکن پھر بھی ہمیں تین ہزار روپیہ مہانہ دیا جاتا ہے۔ اس سے ہم مہنگائی کے زمانے میں اپنی کوئی ضروریات پوری نہیں کر سکتے ہیں۔ انہوں نے انتظامیہ سے مداخلت کی اپیل کی ہے۔
