ضلع پلوامہ کے ترال کی اہم شاہراہ ترال ستورہ سڑک پر اگرچہ امسال آر اینڈ بی محکمے کی طرف سے میکڈمائزیشن کا عمل شروع کیا گیا، جس کی وجہ سے ایک وسیع آبادی نے راحت کی سانس لی، تاہم لرگام سے واگڈ تک سڑک کے ایک حصے پر میکڈمائزیشن نہ کرنے سے ان دیہات کی آبادی سراپا احتجاج بنی ہوئی ہے۔
سڑک پر میکڈمایزیشن کو لیکرخاموش احتجاج
لرگام کے لوگوں نے آج اس معاملے کے سلسلے میں خاموش احتجاج کیا اور انتظامیہ تک اپنی بات پہنچانے کی کوشش کی۔
یہ بھی پڑھیں: لوگوں کی بیماری کی وجہ بنی سڑک
لرگام کے لوگوں نے بتایا کہ آج تک ان کو جھوٹے وعدے کرکے بہلایا گیا کہ اس سڑک پر کول تار بچھایا جائے گا، لیکن اب متعلقہ حکام نے مشینری کو واپس بلا لیا ہے۔ یہاں تار کول بچھانے کے سیزن کا بھی ختم ہو رہا ہے۔ احتجاجی افراد نے مانگ کی ہے کہ اس سڑک پر جلد از جلد تار کول بچھایا جائے ورنہ مقامی بستی سڑکوں پر نکل کر احتجاج کرے گی۔
