جنوبی کشمیر کے ضلع پلوامہ کے بوندربگام علاقے کے لوگوں نے آج اپنے مانگوں کو لے کر احتجاج کیا۔ انہوں نے کہا کہ یہ علاقے کافی پسماندہ ہے اور علاقے کے لوگوں کو طرح طرح کے مشکلات کا سامنا کرنا پڑتا ہے۔انہوں نے بتایا کہ نابارڈ کے تحت ہمارے علاقے میں ایک پل تعمیر کرنے کی منظوری ملی تھی۔ تاہم ابھی تک پل تعمیر نہیں ہو سکا۔ جس کی وجہ سے عوام کو مشکلات کا سامنا کرنا پڑرہا ہے۔
لوگوں نے کہا کہ رومشی نالے کے اس پار ہمارے سیب کے باغات آباد ہیں۔ جہاں ہمیں ہر دن کام کرنے کے لیے جانا پڑتا ہے۔ لیکن رومشی نالے میں پانی زیادہ ہونے کی وجہ سے ہمیں عبور کرنے میں کافی مشکلات پیش آتی ہے۔ جبکہ حال ہی میں نالے میں طغیانی آئی تھی ۔جس میں یہاں کے نوجوان نالے میں پھنس گئے تھے۔ جبکہ نشیبی علاقہ ہونے کی وجہ سے معمولی بارش سے بھی اس علاقے میں سیلابی صورتحال پیدا ہوجاتی ہے۔ جس کے بعد ہمیں اپنے گھر چھوڑ کر دوسری جگہ منتقل ہونا پڑتا ہے۔
اس سلسلہ میں غلام رسول نے بات کرتے ہوئے کہا کہ ہم گورنر انتظامیہ سے اپیل کرتے ہے کہ وہ ہمارے علاقے کی طرف توجہ مرکوز کرے اور ہمارے مشکلات کا ازالہ کرے۔مقامی لوگوں کا مطالبہ ہیکہ رومشی نالے پر پل تعمیر کیا جائے۔ تاکہ ہم اپنے باغات میں کام کیلئے آسانی سے جاسکے۔
مزید پڑھیں:Tourist Place Naranag کشمیر کا ناراناگ مقام سیاحوں کیلئے جنت کے مترادف
انہوں نے ضلع ترقیاتی کمشنر پلوامہ سے بھی اپیل کی کہ وہ اس میں مداخلت کرکے علاقے کے لوگوں کو درپیش مسائل کا حل کرنے کے لئے اقدامات کریں۔ اس موقع پر ایڈوکیٹ شوکت یوسف نےکہا کہ علاقے کے لوگوں کو راشن فراہم کیا جائے تاکہ غریب لوگوں کاگھر چل سکے۔
