لوگ رہنما خطوط پر عمل کریں: ایس ڈی پی او ترال

جنوبی کشمیر کے ترال علاقے میں بھی سخت لاک ڈاؤن جاری ہے۔جس کی بدولت علاقے میں معمولات زندگی بدستور مفلوج ہے۔

ترال میں آج حسب معمول بندشیں عائد رہیں، جس دوران پولیس اور سول حکام کی جانب سے لوگوں کو گھروں کے اندر ہی رہنے کی اپیل کی گئی۔

ایس ڈی پی او ترال ڈاکٹر اعجاز ملک نے میڈیاسے بتایا کہ' علاقے میں کرونا کے بڑھتے واقعات کے بعد لوگوں کو زیادہ احتیاط برتنے کی ضرورت ہے، تاکہ اس کورونا کی چین کو توڑا جا سکے۔ انہوں نے کہاکہ' لاک ڈاؤن کی خلاف ورزی کرنے والے افراد کے خلاف قانونی کاروائی کی جائے گی۔