جنوبی کشمیر میں تحصیل انتظامیہ پانپور اور پولیس کی جانب سے مشترکہ طور کی گئی کارروائی کے تحت ماسک نہ پہننے والوں سے جرمانہ وصول کیا گیا۔
قصبہ پانپور میں مطابق عالمی وبا کورونا وائرس کے دوران رہنما خطوط کی پاسداری نہ کرنے والے راہگیروں اور ڈرائیوروں کے خلاف کارروائی کی گئی۔ جس دوران ماسک نہ پہننے والے راہگیروں خصوصا ڈرائیوروں سے جرمانہ وصول کیا گیا۔
اس دواران ایس ایچ او پانپور نے کہا کہ ’’آئے روز کورونا وائرس کے مثبت معاملوں میں روز افزوں اضافہ ہوتا جا رہا ہے وہیں اس مہلک وائرس سے فوت ہونے والوں کی تعداد بھی کافی بڑھ رہی ہے جو باعث تشویش ہے۔‘‘
انہوں نے مزید کہا کہ اس وبائی بیماری کا علاج دریافت نہیں ہوا ہے اور ’’احتیاطی تدابیر پر عمل کرنے سے ہی اس وائرس کو مزید پھیلنے سے روکا جا سکتا ہے۔‘‘
پولیس کی جانب سے عوام سے بلا وجہ اور بلا ضرورت گھروں سے باہر نہ نکلنے اور نکلنے کی صورت میں احتیاطی تدابیر پر عمل کرنے کی تلقین کی گئی۔
دریں اثناء، انہوں نے مزید کہا کہ احتیاطی تدابیر کی خلاف ورزی کرنے والے افراد کے خلاف سخت کارروائی عمل میں لائی جائے گی۔
