ترال: محکمہ بجلی کا ملازم زخمی

جنوبی کشمیر کے ٹاون ترال سے سات کلومیٹر دور واقع پنر جاگیر نامی گاؤں میں محکمہ بجلی کا ایک ڈیلی ویجر کرنٹ لگنے سے زخمی ہو گیا ہے۔

تفصیلات کے مطابق عبدالرشید شیخ ولد غلام محی الدین ساکن پنر جاگیر ترال اپنے ہی گاوں میں ترسیلی لائن کی مرمت کر رہا تھا کہ اچانک کرنٹ آنے سے وہ زخمی ہو گیا۔

زخمی شخص کو فوری طور سب ڈسٹرکٹ اسپتال ترال میں بھرتی کیا گیا ہے جہاں اسکا علاج ومعالجہ کیا جا رہا ہے ۔

واضح رہے کہ یہ ملازم اپنے اہل وعیال کی کفالت کرنے والا تنہا شخص ہے اور گزشتہ بارہ برسوں سے یومیہ اجرت پر کام کر رہا ہے۔