پلوامہ: بجلی کے ناقص نظام کے خلاف پانپور میں احتجاج

ضلع پلوامہ کے قصبہ پانپور میں لالوانی محلہ کے لوگوں نے محکمہ پی ڈی ڈی کے خلاف احتجاجی مظاہرہ کیا۔ مظاہرین نے مطالبہ کیا کہ ان کے علاقے میں ایک اور ٹرانسفارمر نصب کیا جائے تاکہ انہیں بار بار بجلی سپلآٸی کے حوالے سے پریشانیوں کا سامنا نہ کرنا پڑے۔

مقامی لوگوں نے کہا کہ علاقے میں آج سے کٸ سال پہلے 500 سو میگاواٹ کا بجلی ٹرانسفارمر لگایا گیا تھا جس سے ابتدا میں صرف مزکورہ محلے کو بجلی کی سپلآٸی فراہم کی جارہی تھی۔ مگر تقریباً پانچ سال گزرنے کے بعد اب اس ٹرانسفارمر سے مزید علاقے کے علاوہ مارکیٹ، بینک اور دیگر مشینوں کو بجلی کی سپلآٸی دی جا رہی ہے لیکن ٹرانسفارمر وہی پرانا ہی ہے۔

انہوں نے کہا کہ علاقے میں معمولی ہواؤں اور بڑی گاڑیوں کے چلنے سے بجلی کی ترسیلی لاٸن گرجاتی ہے جس سے ٹرانسفارمر باربار خراب ہو جاتا ہے۔ مقامی لوگوں نے کہا کہ یہ ٹرانسفارمر بار بار خراب ہو جانے سے علاقے میں بجلی سپلآٸی متاثر ہو جاتی ہے جس سے علاقے کے لوگوں کو پریشانیوں کا سامنا رہتا ہے۔ لوگوں نے محکمہ کے افسروں سے علاقے میں مزید ایک ٹرانسفارمر نصب کرنے کی اپیل کی ہے۔

اس سلسلے میں جب ہم نے محکمہ کے ایک افسر سے بات کی انہوں نے کہا کہ سردیوں کے اس موسم میں لوڈ بڑ جاتا ہے جس وجہ ٹرانسفارمر خرآب ہو جاتے ہیں۔ انہوں نے کہا کہ مزکورہ علاقے میں ٹرانسفارمر خراب ہو گیا ہے لیکن ہم آج ہی ٹرانسفارمر کو اُٹھا کر مرمت کے لیے لے جاٸں گے تاکہ علاقے میں جلد سے جلد بجلی کی سپلآٸی کو ممکن بنایا جا سکے۔