سیکورٹی فورسز نے جنوبی کشمیر میں پلوامہ ضلع کے ترال میں عسکریت پسندوں کو پناہ دینے اور ہتھیاروں کو ایک جگہ سے دوسری جگہ منتقل کرنے والے ایک عسکری معاون کو گرفتار کرنے کا دعویٰ کیا ہے۔
پولیس بیان کے مطابق عادل احمد حجام ساکن رٹھسونہ ترال نامی اس معاون سے کچھ قابل اعتراض مواد بھی برآمد ہوا ہے اور اسکا تعلق ممنوعہ تنظیم انصار الغزوۃ الہند سے بتایا جاتا ہے۔
پولیس کا کہنا ہے کہ ترال علاقے میں اس تنظیم کی احیاء نو اور اس تنظیم کو مزید فعال بنانے میں عادل متحرک تھا۔
پولیس نے گرفتار کئے گئے عسکری معاون کے خلاف ایف آئی آر زیر نمبر 72/2020درج کر کے مزید تحقیقات شروع کردی ہے۔
