ضلع پلوامہ کے قصبہ پانپور کے لہلاتے کھیتوں میں زعفران کے پھول کھلنے کا موسم شروع ہو گیا ہے اور اس سلسلے میں جمعہ کو محکمہ زراعت کی ایک ٹیم نے پانپور میں زعفران کے کھیتوں کا دورہ کرکے زعفران کی پیداوار کا معائنہ کیا۔
انہوں نے زعفران کی کاشت کرنے والے کسانوں سے بھی زعفران کی پیداوار کے بارے میں تبادلہ خیال کیا۔
پانپور: محکمہ زراعت کی ٹیم کا زعفران کے کھیتوں کا معائینہ
محکمہ زراعت کی ٹیم نے کسانوں کو یقین دلایا کہ وہ زعفران کی پیداوار کو بڑھانے اور کسانوں کی آمدنی میں اضافہ کرنے کے لئے ہر طرح کی سہولت فراہم کرنے کی کوشش کرینگے۔
محکمہ زراعت کے افسران نے کہا کہ ’’اس بار آبپاشی کا معقول انتظام کیا گیا تھا اور امید ہے کہ رواں برس زعفران کی پیداوار میں اچھا اضافہ ہوگا، جس سے کسانوں کی آمدنی میں اضافے کے ساتھ ساتھ ترقی کا ایک نیا دور بھی شروع ہو سکتا ہے۔‘‘
