پلوامہ: جموں و کشمیر کے نودل ترال میں آج نودل چورم نامی سالانہ پوجا پاٹھ کا اہتمام ہوا جس میں ترال کے مقامی پنڈت برادری کے ساتھ ساتھ مہاجر پنڈتوں نے بھی شمولیت کر کے دعائیہ مجالس میں شرکت کی۔ مقامی مسلمانوں نے سالانہ پوجا پاٹ میں شمولیت کر کے بھائی چارے کی قندیل زندہ رکھا۔ اس موقع پر انتطامیہ نے عقیدت مندوں کے لیے مناسب سیکورٹی اور دیگر انتظامات رکھے تھے مقامی ڈی ڈی سی ممبران اوتار سنگھ اور ڈاکٹر ہر بخش سنگھ نے بھی حاضری دے کر پنڈت برادری کو مبارک باد پیش کی ۔
اس موقع پر میڈیا سے بات کرتے ہوئے پنڈت برادری کی جانب سے ڈاکٹر رمیش بھٹ نے پورے ملک کے لوگوں کو مبارکباد پیش کی اور کہا کہ امرناتھ یاترا اختتام پذیر ہونے کے بعد یہ پوجا جسکو عرف عام میں نودل چورم کے نام سے جانتے ہیں بڑی اہمیت کی حامل ہے۔
ڈاکٹر ہربخش سنگھ نے بتایا کہ نودل میں موجود یہ تیرتھ استھان کی عظمت رفتہ بحال کرنے کے لیے اقدامات کیے جائیں گے ۔اوتار سنگھ ترالی نے بتایا کہ نودل میں جس بھائی چارے کی مثال پیش آگئی ہے کشمیریت یہی ہے اور اسی کو آگے بڑھانے کی ضرورت ہے۔ واضح رہے کہ امرناتھ یاترا کے اختتام پر یہ پوچا برسوں سے کی جاتی ہے۔
یہ بھی پڑھیں : Amarnath Yatra 2022: امرناتھ یاترا عملی طور پر ختم، جموں سے کسی بھی یاتری کو اجازت نہیں دی گئی
