وادیٔ کشمیر کے خوبصورت، دلکش اور قدرتی نظاروں سے لطف اندوز ہونے کے لئے ہر سال یہاں لاکھوں سیاح آتے ہیں، تاہم وادیٔ کشمیر میں بیشتر مقامات پر غیر سائنسی بنیادوں پر کوڑا کرکٹ جمع کیا جاتا ہےno scientific garbage dumpling site in valley ، وہیں متعدد مقامات پر آبی وسائل کے متصل اور سڑکوں کے کنارے جمع گندگی سے قدرتی خوبصورت وادیٔ کشمیر کی شبیہہ کافی متاثر ہو جاتی ہے۔
مرکزی حکومت کی جانب سے صفائی ستھرئی کے حوالے سے ’’کلین انڈیا مہم‘‘، ’’سوچھ بھارت‘‘ سمیت متعدد پروگرامز چلائے جا رہے ہیں جن پر ہزاروں کروڑ روپے خرچ بھی کیے جاتے ہیں تاہم زمینی سطح پر ان اسکیموں کا خاص اثر دکھائی نہیں پڑتا۔
وادیٔ کشمیر کے طول و ارض میں جگہ جگہ گندگی کے ڈھیر نظر آ رہے ہیںGarbage in kashmir۔ قصبہ جات سمیت دور دراز دیہات میں بھی باغات، سڑکوں کے کنارے حتی کہ آبی ذخائر کے متصل گندگی کے ڈھیر جمع ہونے سے نہ صرف آب و ہوا آلودہ ہو رہے ہیں بلکہ یہاں کی زرخیز زمین پر بھی منفی اثرات مرتب ہو رہے ہیں۔
ای ٹی وی بھارت کے ساتھ بات کرتے ہوئے ضلع پلوامہ سے تعلق رکھنے والے ایک مقامی باشندے نے بتایا: ’’مقامی لوگ بھی ادھر ادھر کوڑا کرکٹ انڈیل دیتے ہیں، تاہم انتظامیہ کی جانب سے بھی کوڑا کرکٹ سائنسی بنیادوں پر ڈسپوز نہیں کیا جا رہا ہے۔‘‘
انہوں نے کہا کہ ’’انتظامیہ کی جانب سے صفائی ستھرائی کے حوالے سے بیانات جاری کیے جا رہے ہیں تاہم زمینی سطح پر کوڑا کرکٹ جمع کرنے کے لیے نہ تو اراضی منتخب کی جا رہی ہے اور نہ ہی سائنسی بنیادوں پر اسے ٹھکانے لگائے کے لیے پختہ انتظامات کیے جا رہے ہیں۔‘‘
ایک مقامی سیاسی کارکن نے ای ٹی وی بھارت کے ساتھ بات کرتے ہوئے کہا کہ سائنسی بنیادوں پر کوڑا کرکٹ ڈسپوز نہ کیے جانے کے سبب نہ صرف زمین بنجر ہونے کا خطرہ لاحق ہے بلکہ وبائی امراض پھوٹ پڑنے کے خطرات بھی منڈلا رہے ہیں۔
عوامی حلقوں نے گورنر انتظامیہ سے وادیٔ کشمیر میں کوڑا کرکٹ کو سائنسی بنیادوں پر ڈسپوز کیے جانے کی اپیل Demand for Scientific Garbage Disposalکی ہے۔
