مرکز کے زیر انتظام جموں و کشمیر کے ترال میں زیر تعمیر سڑک پر ڈائورزن تعمیر نہ کیے جانے کی وجہ سے مقامی لوگوں کو زبردست مشکلات کا سامنا کرنا پڑ رہا ہے۔
پی ایم جی ایس وائی تعمیراتی ایجنسی کی طرف سے پنر جاگیر ترال میں سڑک تعمیر کا کام کیا جا رہا ہے۔
مقامی لوگوں کے مطابق پی ایم جی ایس وائی ایجنسی نے اس سال پنر سے پنر ڈیم کو جانے والی سڑک پر تعمیر و تجدید کا کام شروع تو کیا لیکن مقامی مسجد کے نزدیک ایک پل کی تعمیر کا کام ادھورا ہی چھوڑ دیا۔ جس کی وجہ سے ایک وسیع آبادی اپنے گھروں کے اندر محصور ہو کر رہ گئی ہے۔
مقامی شہری غلام محمد نے میڈیا سے بات کرتے ہوئے الزام لگایا ہے کہ ادھورے کام کی وجہ سے مقامی لوگ مسجد کو نہیں جا سکتے ہیں اور نہ ہی دوسری طرف کے مقامی ادھر آ سکتے ہیں۔
یہ بھی پڑھیں: پیپلز کانفرنس کا گپکار الائنس کو الوادع
مقامی شہری عادل کے مطابق محکمہ نے سرما کے دوران پرانے پل کو توڈ کر ایک ماہ کے اندر نیا پل بنانے کا وعدہ کیا تھا لیکن پھر حکام نے اس جانب توجہ نہیں دی اور اب حالیہ برفباری کے بعد اس کام کو ایسے ہی چھوڑ دیا گیا ہے۔
واضح رہے کہ مقامی لوگوں نے انتظامیہ سے مدد کی اپیل کی ہے
