ترال میں رضاکار تنظیموں کی جانب سے راشن تقسیم

کرونا وائرس کی لڑائی میں جہاں سرکاری انتظامیہ اقدامات میں مشغول ہے، وہیں رضاکار تنظیمیں بھی اپنا رول ادا کرنے میں پیش پیش ہیں

انصار المساکین ٹرسٹ نامی رضاکار تنظیم نے مزید دو رضاکار تنظیموں کے ساتھ ملک انتظامیہ کے عہدیداروں کے ہمراہ ترال کے دور افتادہ دہیات زراڈی ہارڈ ،دودھ مرگ، کنگلورہ اور مزید دہیات میں غریب کنبوں میں راشن کٹس تقسیم کیے کیونکہ لاک ڈاؤن کے چلتے ان کنبوں کو مشکلات کا سامنا کرنا پڑ رہا تھا۔

مقامی لوگوں نے رضاکار تنظیموں کی اس پہل کو خوش آئند قرار دیا ٹرسٹ کی چیئرپرسن عافیقہ علی نے میڈیا سے گفتگو کرتے ہوئے بتایا کہ انہوں نے لاک ڈاؤن کے دوران کئ علاقوں میں کام کیا ہے جبکہ انہوں نے قرنطینہ سینٹرز میں جراثیم کش ادویات کا چھڑکاؤ بھی کیا ہے۔