پلوامہ: جموں و کشمیر کے ضلع پلوامہ کے ارہل علاقے میں کئی سال بعد پرائمری ہیلتھ سنٹر کی نئی عمارت تیار ہوئی ہے لیکن ابھی تک اسے محکمہ صحت کے حوالے نہیں کیا گیا ہے۔ یو ٹی انتظامیہ کی جانب سے صحت شعبہ کو بہتر بنانے کے لئے کئی سارے اقدامات اٹھائے جارہے ہیں تاکہ یو ٹی کے لوگوں کو بہتر طبی سہولیات فراہم کی جائے، لیکن زمینی حقائق اس کے برعکس نطر آرہے ہیں۔ Health department pulwama
ضلع انتظامیہ پلوامہ نے کئی سال قبل ضلع پلوامہ کے ارہل علاقے میں ایک نیو ٹائپ پرائمری ہیلتھ سینٹر قائم کیا تاکہ علاقے کے لوگوں کو بہتر سے بہتر طبی سہولیات فراہم کی جائے اور اگرچہ اس نیو ٹائپ پرائمری ہیلتھ سینٹر کو علاقے کی پنچایت میں چلایا جا رہا تھا جو چند کمروں پر ہی مشتمل ہے، کئی سال قبل انتظامیہ نے اس علاقے کے ساتھ ساتھ دیگر علاقوں میں نیو ٹائپ پرائمری ہیلتھ سینٹر بلڈنگ تعمیر کرنے کا فیصلہ کیا۔ اب تقریباً یہ سبھی بلڈنگز ایک سال سے تیار ہے، تاہم آج تک پرائمری ہیلتھ سینٹرز کو ان نو تعمیر شدہ عمارتوں میں منتقل نہیں کیا گیا ہے جس کی وجہ سے عام لوگوں کا کافی مشکلات کا سامنا کرنا پڑا رہا ہے۔ Primary Health Center building
ضلع پلوامہ کا ارہل علاقہ ایک دور افتادہ علاقہ ہے اور آبادی کے لحاظ سے بھی ایک بڑا علاقہ تصور کیا جاتا ہے۔ وہیں اس علاقہ سے متصل کئی دیہات ہیں جو اس نیو ٹائپ پرائمری ہیلتھ سینٹر سے مستفید ہو سکتے ہیں۔ اس نیو ٹائپ پرائمری ہیلتھ سینٹر کے شروع ہونے سے ضلع پلوامہ کے ہسپتال پر بھی دباؤ کم ہو سکتا ہے، ساتھ ہی ایک وسیع آبادی کو بہتر طبی نگہداشت کی سہولت فراہم ہو سکتی ہے۔ Health Center in Pulwama
اس ضمن میں مقامی لوگوں نے کہا کہ انتظامیہ نے ہمارے علاقہ میں نیو ٹائپ پرائمری ہیلتھ سینٹر کی بلڈنگ تو بنائی ہے لیکن ابھی تک وہاں پر علاج و معالجہ شروع نہیں کیا گیا۔ انہوں نے کہا کہ ہمارے علاقے کو ایک ایمبولینس بھی دی گئی تھی تاہم اس کا آج تک کوئی اتا پتا نہیں ہے کہ وہ کہاں ہے۔ انہوں نے انتطامیہ سے اپیل کی کہ وہ اس نیو ٹائپ پرائمری ہیلتھ سینٹر کو نئی بلڈنگ میں منتقل کریں تاکہ لوگوں کو بہتر طبی نگہداشت فرہم ہو۔
اس ضمن میں بی جے پی کے ضلع صدر سجاد رینا نے بھی ضلع انتظامیہ پلوامہ سے اپیل کی کہ وہ اس بلڈنگ کو عوام کے نام وقف کریں تاکہ عام لوگ اس سے مستفید ہوں۔ اس ضمن میں اگرچہ ہم نے چیف میڈیکل آفیسر پلوامہ سے بات کرنے کی کوشش کی تاہم انہوں نے ہمارے فون اُٹھانا گوارہ نہیں کیا۔
یہ بھی پڑھیں:
Youth Meeting in Pulwama: جموں و کشمیر نیشنلسٹ پیپلز فرنٹ کے زیر اہتمام نوجوانوں کی میٹنگ
