چیرمین ڈسٹرکٹ لیگل سروس اتھارٹی ڈسٹرکٹ اینڈ سیشن جج پلوامہ اور سیکریٹری ڈسٹرکٹ لیگل سروس اتھارٹی پلوامہ کے مطابق ایک قومی لوک عدالت Lok Adalat in Pulwama کا انعقاد ڈسٹرکٹ کورٹ کمپلیکس پلوامہ، پانپور، ترال اور اونتی پورہ میں منعقد ہونے جا رہا ہے۔
لوک عدالت کے دوران مختلف عدالتوں میں زیر التوا مقدمات کے خوش اسلوبی سے تصفیہ کے لیے 7 بنچوں کا انعقاد کیا جائے گا جس میں مختلف نوعیت کے مقدمات بشمول MACT، ازدواجی و خاندانی تنازعات، مزدوری کے تنازعات، بینک کی وصولی، بجلی، پانی کے بلوں اور دیگر معاملات سے متعلق مقدمات کو تصفیہ کے لیے لیا جائے گا۔
اس ضمن میں متعلقہ عدالتی افسران سے قومی لوک عدالت میں پیش کیے جانے والے مقدمات کی نشاندہی کرکے مقدمات کی فہرست ڈی ایل ایس اے پلوامہ کو پیش کرنے کی ہدایت جاری کی گئی ہے۔
دریں اثنا، مجوزہ قومی لوک عدالت میں اپنے تنازعات کو حل کرنے کے خواہشمند افراد کو فوری طور پر متعلقہ عدالتوں سے رجوع کرنے کی ہدایت کی گئی ہے تاکہ ان کے مقدمات کو قومی لوک عدالت میں خوش اسلوبی سے طے کرنے کے لیے درج کیا جائے۔
