Market Checking Drive: پلوامہ میں مارکیٹ چیکنگ ڈرائیو کا انعقاد

پلوامہ ڈی ایس پی محمد شفیع نے کہا کہ دکاندار اپنا سامان سڑکوں پر رہ کر لوگوں کر لوگوں کو چلنے پھرنے میں مشکلات پیش کرتے ہیں جس کی وجہ سے لوگوں سڑکوں کے بیچوں بیچ چلنے پر مجبور ہوتے ہیں جس کی وجہ سے ٹریفک جام کے ساتھ ساتھ حادثہ ہونے کا بھی خطرہ لاحق ہوتا ہے۔ یہی وجہ ہے کہ قصبہ میں( Market Checking Drive ) مارکیٹ چیکنگ ڈرائیو کا انعقاد عمل میں لایا گیا۔

جموں و کشمیر کے ضلع پلوامہ میں کئی محکموں نے مل کر قصبہ میں( Market Checking Drive )مارکیٹ چیکنگ ڈرائیو کا انعقاد عمل میں لایا۔

ضلع پلوامہ میں آئے روز ٹریفک جام (traffic jam) ہوتا ہے جس کی وجہ سے لوگوں کو چلنے پھرنے میں کافی مشکلات پیش آتی ہیں۔ اس بات کو سنجیدگی سے لیتے ہوئے محکمۂ بلدیات، جموں و کشمیر پولیس اور محکمۂ ٹریفک نے مل کر قصبہ میں ایک ڈرائیور کا انعقاد عمل میں لایا۔اس ڈرائیو کے دوران دوکانداروں (shopkeepers) کی جانب سے لوگوں کو چلنے پھرنے والے راستے پر اپنا سامان بچھانے کے لئے جرمانہ عائد کیا گیا۔ وہیں دکانداروں کو ہدایت کی گئی کہ وہ سامان دوکانوں کے اندر رکھیں اور لوگوں کو چلنے پھرنے کا راستہ بند نہ کریں۔ ڈرائیو کے دوران کئی دوکانداروں سے جرمانہ وصول کیا گیا، کئی دوکانداروں کا سامان ضبط کیا گیا۔ وہیں سڑک کے کناروں پر گاڑی کھڑی کرنے والے افراد پر بھی جرمانہ کیا گیا۔ اس موقع پر محکمۂ ٹریفک کے افسر محمد مقبول نے کہا کہ گاڑی چلانے والے افراد قانون کی پاسداری کریں اور سڑک کے کناروں کے بجائے پارکنگ میں اپنی گاڑی کھڑی کرکے اپنا کام انجام دیں۔

اس سلسلے میں ڈی ایس پی محمد شفیع نے کہا کہ قصبہ میں ہر روز ٹریفک جام ہوتا ہے جس کی وجہ سے لوگوں کو مشکلات ہوتی ہیں۔

انہوں نے دوکانداروں سے اپیل کی کہ وہ اپنا سامان دوکانوں کے اندر ہی رکھیں تاکہ لوگ آرام سے چل پھر سکیں۔