ترال: ریچھ کے حملے میں شہری زخمی

محمد امین میر اپنے کھیت میں کام کر رہا تھا کہ اسی دوران ایک ریچھ نے اس پر حملہ کر کے شدید طور پر زخمی کر دیا۔اس سے قبل بھی ایک شخص پر ریچھ نے حملہ کیا تھا۔

جنوبی کشمیر میں ضلع پلوامہ کے سب ڈسٹرکٹ ترال کے آری پل نامی گاؤں میں ریچھ نے مقامی شہری کو زخمی کر دیا ہے، اسے علاج ومعالجہ کے لیے اسپتال منتقل کیا گیا ہے۔

تفصیلات کے مطابق آری پل کا رہنے والا محمد امین میر ولد محمد رمضان اپنے کھیت میں کام کر رہا تھا ، اسی دوران ایک ریچھ نے اس پر حملہ کر کے شدید زخمی کر دیا۔ زخمی شخص کو فوری طور پر سب ڈسٹرکٹ اسپتال ترال میں داخل کیا گیا، جہاں اسکا علاج کیا جا رہا ہے۔

اسے قبل بوچھو نامی دیہات میں ایک نوجوان مظفر احمد کو بھی گزشتہ ہفتے ایک ریچھ نے شدید زخمی کر دیا تھا۔