جموں و کشمیر کے سب ضلع ترال میں جہاں سڑکوں کی خستہ حالی عوام کے لیے سوہان روح بنی ہوئی ہے وہیں ترال - ڈاڈسرہ سڑک پر ترال بالا کے مقام پر میکڈمائیزیشن شروع ہونے سے عوامی حلقوں میں خوشی کی لہر دوڑ گئی ہے ۔
اطلاعات کے مطابق، اس سڑک کی کشادگی اور مرمت کا نوے فیصد کام پہلے ہی مکمل ہو چکا تھا تاہم مین ٹاون میں سڑک کی خستہ حالی سے روزانہ ٹریفک جام کے مناظر روز کا معمول بن گیے تھے۔
مقامی لوگوں نے تارکول بچھانے کی اس پہل کا خیر مقدم کیا ہے۔
مقامی باشندہ میر فیاض نے ای ٹی وی بھارت کو بتایا کہ 'پچھلے دو سال سے وہ اس سڑک پر تارکول بچھانے کا مطالبہ کر رہے تھے اور اب دیر آید درست آید کے مصداق وہ انتظامیہ کی اس پہل سے مسرور ہیں۔
اسسٹنٹ ایگزیکیوٹیو انجینئر اشتیاق حسین نے ای ٹی وی بھارت کو بتایا کہ 'میکڈمائیزیشن میں اعلی سطحی میٹیریل کا استعمال ہو رہا ہے اور وہ عوام کو بہتر سہولیات فراہم کرنے کے لیے ہمہ وقت تیار ہیں۔'
