ضلع پلوامہ کے کورٹ کمپلیکس میں نیشنل لوک عدالت کا انعقاد ہوا جس میں افہام و تفیہم سے سیکنڑوں مسائل حل کیےگئے۔
منصف کورٹ میں بجلی، پانی، ٹرانسپورٹ اور ازدواجی زندگی کے کئی سارے معاملے باہمی رضامندی کر کے لوک عدالت کے ذریعے حل کیے گئے۔
ضلع پلوامہ میں کل پانچ بینچس قاٸم کیے گئے تھے۔ مذکورہ بینچوں میں مختلف نوعیت کے 127 مقدمات اٹھائے گئے جن میں سے 93 معاملات کو خوش اسلوبی سے حل کیا گیا۔ سیکڑوں کی تعداد میں لوگوں کے زیرالتواع پڑے معاملے افہام و تفہیم سے حل کیے گئے۔
اس سلسلے میں بات کرتے ہوئے سیکریٹری ڈسٹرکٹ لیگل سروس اتھارٹی پلوامہ ریاض احمد نے کہا کہ ان لوک عدالتوں کے ذریعے لوگوں کو کافی مدد ملتی ہے اور ان لوک عدالتوں کے ذریعے لوگوں کے وہ مسائل جلد حل ہوتے ہیں۔
یہ بھی پڑھیں: پلوامہ: بیساکھی کی اختتامی تقریب پر بھائی چارے کے نظارے
انہوں نے کہا کہ کورٹ میں آکے ان لوگوں کو سمجھایا جاتا ہے اور اُن کے معاملے رضامندی سے حل کیے جاتے ہیں جس سے فریقین کو آسائش محسوس ہوتی ہیں۔
