جنوبی ضلع پلوامہ کے ترال میں واقع ڈاڈسرہ میں مقامی لوگوں نے آر اینڈ بی محکمہ کی جانب سے ایک مقامی سڑک پر کام کو ادھورا چھوڑنے کے خلاف خاموش احتجاج کر کے اپنی ناراضگی کا اظہار کیا۔
تفصیلات کے مطابق متعلقہ محکمہ نے ڈاڈسرہ سے نئی بگ تک کی سڑک پر تجدید ومرمت کاری کا کام شروع کیا۔
جس کے بعد مقامی لوگوں نے راحت کی سانس لی۔ تاہم سڑک دیر پا ثابت نہیں ہوئی کیونکہ محکمہ نے سڑک پر روڑی بچھا کر کام ادھورا چھوڑ دیا جس کے بعد عوام کو عبور ومرور میں سخت تکالیف کا سامنا کرنا پڑ رہا ہے۔
مقامی لوگوں کے مطابق اب یہ سڑک پیدل چلنے کے قابل بھی نہیں ہے اور ٹرانسپورٹ تو دور کی بات ہے۔
ان کا مزید کہنا تھا کہ آر اینڈ بی اور نبارڈ کی آپسی رسہ کشی سے لوگوں کو سخت مشکلات درپیش ہیں، مقامی لوگوں نے مطالبہ کیا ہے کہ سڑک پر روڑی کو مکمل طور بچھا کر قابل آمد ورفت بنایا جائے۔
