اطلاعات کے مطابق پولیس نے آج براہ بنڈنہ نامی گاوں میں ناکے کے دوران ایک منشیات فروش کو گرفتار کر لیا اور اس کے قبضے سے دس کلو گرام چرس برآمد کیا گیا جسکی مالیت لاکھوں روپے بتائی جاتی ہے۔
تفصیلات فراہم کرتے ہوئے ایس ڈی پی او اونتی پورہ اعجاز چودھری نے ای ٹی وی بھارت کو فون پر بتایا کہ گرفتار شدہ سمگلر کی پہچان الطاف میر ولد علی میر ساکن کاونی اونتی پورہ کے بطور ہوئ ہے جو علاقے میں منشیات کو فروغ دینے میں ملوث ہے۔
ایس ڈی پی او اونتی پورہ نے بتایا کہ پولیس نے منشیات سمگلر کے خلاف ایف آئی آر زیر نمبر 32/2020 کے تحت کیس درج کر کے تحقیقات شروع کردی ہے۔
انھوں نے عوام سے اپیل کی کہ سماج کو منشیات کی وباء سے پاک کرنے میں پولیس کو اپنا تعاون پیش کریں
واضح رہے کہ اونتی پورہ گھاٹ کے کئی دہیات میں منشیات فروشی کا کاروبار فروغ پا رہا ہے تاہم گزشتہ دنوں سے پولیس نے منشیات کے خلاف اپنی مہم تیز کی ہے جس کی عوامی حلقوں نے سراہنا کی ہے
