اطلاعات کے مطابق اونتی پورہ کے جوبیارہ میں ایک تقریب منعقد کی گئی جس میں بلاک ڈیولپمنٹ چیئرمین اونتی پورہ عبدالحمید نے فوج کی طرف سے فراہم کردہ یہ ماسک اور سینٹائزر لوگوں میں تقسیم کیے۔
مقامی لوگوں نے فوج کے اس اقدام کی ستائش کی اور کہا کہ کووڈ-19 کے بڑھتے ہوئے خطرات کو دیکھتے ہوئے ماسک اور سینٹائزر بازاروں میں نہیں مل رہے ہیں اور اب وکٹر فورس کی طرف سے انھیں یہ چیزیں مفت میں مل رہی ہے۔
وہیں بی ڈی سی چیئرمین اونتی پورہ نے وکٹر فورس جوبیارہ اونتی پورہ کے جے او سی کا شکریہ ادا کرتے ہوئے کہا کہ ان کی کاوشوں کی بدولت یہ سب ممکن ہو۔
واضح رہے کہ دنیا میں دہشت پھیلانے والی مہلک کورونا وائرس کے پھیلاؤ کے پیش نظر ملک بھر کے ساتھ جموں و کشمیر میں بھی تمام تر اقدامات اٹھائے جا رہے ہیں۔ جموں و کشمیر کے تمام اضلاع میں 144 کا نفاذ عمل میں لا کر چار یا اس سے زیادہ لوگوں کو ایک جگہ جمع ہونے پر پابندی عائد کی ہے۔
