جنوبی کشمیر کے ترال علاقے میں عسکریت پسندوں نے ایک پنچ کے گھر پر گرینیڈ داغا جو گھر سےکچھ دوری پر پھٹ گیا ہے تاہم اس حملہ میں کوئی جانی نقصان نہیں ہوا ہے۔
اطلاعات کے مطابق دیور نامی گاؤں میں آٹھ بجے کے قریب بھوپیندر سنگھ نامی ایک پنچ کے گھر پر گرینیڈ داغا گیا جو گھر سے دوری پر پھٹ گیا تاہم اس حملے میں کوئی جانی نقصان نہیں ہوا ہے
فورسز کی بھاری نفری کو علاقے میں تعینات کیا گیا ہے اور حملہ آوروں کی تلاش شروع کی گی ہے۔
یہ بھی پڑھیں: بڈگام: زخمی بی جے پی کارکن ہلاک
واضح رہے گزشتہ سات روز میں کسی سیاسی رہنما یا کارکن پر یہ چوتھا حملہ ہے۔ اس سے قبل بی جے پی کے 38 سالہ کارکن عبدالحمید نجار پر اتوار کے روز نامعلوم بندوق برداروں نے فائرنگ کر دی تھی، جب وہ بڈگام ریلوے اسٹیشن کے قریب صبح کی سیر پر تھے۔ انہیں سری نگر کے اسپتال منتقل کیا گیا جہاں آج وہ زخموں کی تاب نہ لاتے ہوئے چل بسا۔
