IED Recovered in Pulwama: پلوامہ میں 15 کلو آئی ای ڈی ناکارہ بنا دی گئی، ملوث دو عسکریت پسند معاون گرفتار

پلوامہ کے لیترعلاقے میں سکیورٹی فورسز نے ایک آئی ای ڈی برآمد کی جسے بعد میں ناکارہ بنایا گیا۔ اس بیچ پولیس نے آئی ای ڈی نصب کرنے کے الزام میں عسکریت پسندوں کے دو اعانت کاروں کو حراست میں لینے کا دعویٰ کیا IED Recovered in pulwama

پلوامہ: ضلع پلوامہ کے لاسی پورہ لیتر علاقے میں سکیورٹی فورسز نے ایک دیسی ساختہ دھماکہ خیز ڈیوائس (آئی ای ڈی) برآمد کیا۔ سرکاری ذرائع کے مطابق جمعرات کی سہ پہر کو آرمولہ لیتر پلوامہ علاقے میں سکیورٹی فورسز نے شاہراہ کے کنارے پر نصب ایک آئی ای ڈی دیکھی۔ IED Recovered in pulwama

انہوں نے کہا کہ آئی ای ڈی دیکھنے کے بعد شاہراہ پر ٹریفک کی نقل حمل روک دی گئی اور بم ناکارہ بنانے والی ایک ٹیم کو موقع پر طلب کیا گیا۔ ان کا کہنا تھا کہ بعد ازاں بم ناکارہ بنانے والی ٹیم نے اس آئی ای ڈی کو محفوظ طریقے سے ناکارہ بنا دیا جس کے بعد ٹریفک کی نقل وحمل بحال کردی گئی۔ پولیس ذرائع نے بتایا کہ آئی ای ڈی پندرہ کلو وزنی تھی اور ایک بڑے حادثے کو رونما ہونے سے پہلے ہی ٹال دیا گیا۔

دریں اثنا آئی جی کشمیر وجے کمار نے ٹویٹ کے ذریعے جانکاری دیتے ہوئے بتایا کہ عسکریت پسندوں نے آرمولہ لیتر پلوامہ علاقے میں ایک آئی ای ڈی نصب کی تھی جس کو مستعد سکیورٹی اہلکاروں نے وقت رہتے ناکام بنایا۔ انہوں نے کہا کہ اس واقعے میں ملوث دو عسکریت پسندوں کے معاونین کو حراست میں لے لیا۔

پلوامہ میں 15 کلو آئی ای ڈی ناکارہ بنا دی گئی، ملوث دو عسکریت پسند معاونین گرفتار