ڈی ڈی سی انتخابات کے نتائج آنے کے بعد جہاں کشمیر وادی میں آزاد امیدواروں نے بہتر کارکردگی کا مظاہرہ کیا ہے۔ تاہم اب سیاسی اراکین سرگرم ہوگئے ہیں تاکہ ان کو اپنی اپنی سیاسی پارٹیوں میں شامل کیا جائے۔ اس بات کا انکشاف سب ضلع ترال کے ڈاڈسرہ سے اپنی شاندار جیت درج کرنے والے آزاد امیدوار اوتار سنگھ نے ای ٹی وی بھارت کے ساتھ ایک خصوصی بات چیت میں کیا۔
ان کا کہنا تھا کہ ہر انتخابات کے بعد ہارس ٹریڈنگ کا سلسلہ شروع ہوتا ہے۔ ڈی ڈی سی انتخابات کے بعد کشمیر وادی میں یہ سلسلہ شروع ہوا ہے اور سیاسی دلال امیدواروں کو لالچ دے کر راغب کر رہے ہیں۔
انہوں نے بتایا کہ کئی سیاسی جماعتوں نے اس کے ساتھ رابطہ کیا ہے۔ تاہم وہ اپنے ووٹرز کے ساتھ ہی مشورہ کر کے کسی جماعت میں شامل ہوں گے۔
بی جے پی میں دوبارہ شامل ہونے کے بارے میں وضاحت پیش کرتے ہوئے اوتار سنگھ نے بتایا کہ وہ اس پارٹی میں دوبارہ شامل نہیں ہوں گے کیونکہ بھاجپا نے اس کے بھروسے کو مجروح کیا ہے۔
