ضلع پلوامہ میں محکمہ باغبانی کی جانب سے آج 'بھارت کا امرت مہوتسو' مہم کے تحت ہائی ڈینسٹی پودے لگانے کا آغاز کیا۔
اس مہم کا آغاز ضلع ترقیاتی کمشنر بصیر الحق چودھری نے ڈسٹرکٹ ہارٹیکلچر آفیسر اور دیگر متعلقہ عہدیداروں کی موجودگی میں کیا گیا۔
اس موقع پر ضلع ترقیاتی کمشنر پلوامہ نے کہا 'ہائی ڈینسیٹی پودے لگانے کی مہم کا آغاز کسانوں کے لئے فاعدہ مند ثابت ہوگا۔ اس سے کسان کی آمدنی میں اضافہ ہوگا'۔
انہوں نے کہا 'زیادہ سے زیادہ اعلی ہائی ڈینسیٹی پودے لگانے سے ضلع میں باغبانی کے شعبے کو فروغ دینے کے علاوہ کسانوں کی آمدنی کو دوگنا کرنے میں مدد ملے گی'۔
یہ بھی پڑھیے
ٹینڈر فراڈ کیس میں جے کے بینک کے سابق چیئرمین گرفتار
انہوں نے یقین دلایا 'ضلع انتظامیہ کاشتکاروں کو جدید ٹیکنالوجی سے آراستہ کرنے کے علاوہ فارم کے شعبے میں نوجوانوں کو راغب کرنے کے لئے تمام اقدامات کرے گی۔ کسانوں کو بھی سرکاری اسکیموں سے فائدہ حاصل کرنا چاہیے'۔
