پولیس نے اونتی پورہ میں عسکری کمین گاہ تباہ کرنے کا دعویٰ کیا

اس کمین گاہ سے کسی بھی طرح کا گولہ بارود برآمد نہیں کیا گیا تاہم اس ہائیڈ آوٹ سے فوجی ٹایپ وردی اور چند برتن برآمد کیے گئے۔

سیکورٹی فورسز نے دعویٰ کیا ہے کہ انہوں نے جنوبی کشمیر کے اونتی پورہ کے میڈورہ علاقے میں عسکریت پسندوں کی ایک کمین گاہ کو تباہ کیا ہے۔

تفصیلات کے مطابق فوج کی 42 آر آر، سی ار پی ایف 180 بٹالین اور ایس او جی اونتی پورہ نے میڈورہ علاقے میں سرچ آپریشن شروع کیا تھا جس دوران انہیں باغ کے اندر ایک کمین گاہ کا پتہ چلا جس کو تباہ کیا گیا۔

اس کمین گاہ سے کسی بھی طرح کا گولہ بارود برآمد نہیں کیا گیا تاہم اس ہائیڈ آوٹ سے فوجی وردی، اور چند برتن برآمد کیے گئے۔

فوری طور پر معلوم نہیں ہوا ہے کہ اس کمین گاہ کو کس تنظیم کے عسکریت پسند استعمال کرتے تھے۔