جنوبی کشمیر کے ترال علاقے میں واقع ہاری پاریگام میں موجود گورنمنٹ ہائر سیکنڈری اسکول تک جانے والی رابطہ سڑک خستہ حالی کا شکار ہوچکی ہے۔ سڑک کی خستہ حالی کی وجہ سے مقامی لوگوں کے ساتھ ساتھ طلباء اور اسکول اسٹاف کو زبردست دقتوں کا سامنا کرنا پڑتا ہے۔
مقامی لوگوں کے مطابق اس کچی سڑک پر بارش ہونے کے ساتھ ہی پیدل چلنا دشوار ہوجاتا ہے۔ ہائر سیکنڈری اسکول اونچائی پر واقع ہے، جس کی وجہ سے بارش کا پانی اس کچے راستے کے ذریعے مکانوں میں داخل ہوجاتا ہے۔
انہوں نے مزید بتایا کہ اس معاملے کو لیکر کئی بار حکام کو آگاہ کیا جاچکا ہے۔ لیکن حکومت اس طرف توجہ نہیں دے رہی ہے۔
یہ بھی پڑھیں: جموں میں خراب موسم کے باوجود امت شاہ جلسہ سے خطاب کریں گے
مقامی لوگوں نے حکومت سے مطالبہ کیا ہے کہ ہائر سیکنڈری کو جانے والی اس سڑک کی تجدید ومرمت کی جائے تاکہ عوام کو پریشانیوں کا سامنا نہ کرنا پڑے۔
