پلوامہ: جموں و کشمیر کے ضلع پلوامہ کے درسو علاقے کے پرائمری اسکول میں آج سی آر پی ایف کی 182 بٹالین کی جانب سے ایک مفت طبی کیمپ کا اہتمام کیا گیا ہے جس میں آس پاس کے دیہات سے بڑی تعداد میں لوگوں نے اپنا علاج معالجہ کرایا۔ اس موقع پر نہ صرف ان کی تشخیص کی گئی بلکہ مفت ادویات بھی تقسیم کی گئی۔
مقامی لوگوں نے اس پہل کی سراہنا کرتے ہوئے کہا کہ اس میڈیکل کیمپ میں ہر بیماروں کا اچھے ڈھنگ سے علاج کیا گیا جب کہ مفت ادویات بھی فراہم کی گئیں۔ یہ ایک اچھی شروعات ہے اور اس سے غریب لوگوں کو بڑی حد تک راحت ملے گی۔
اس موقع پر سی آر پی ایف کے کمانڈنگ آفیسر دھونڈیال نے بتایا کہ سی آر پی ایف اس سے پہلے بھی مفت میڈیکل کیمپ منعقد کرتا آیا ہے اور آج بھی عوام کو راحت دینے کے لیے اس کیمپ کا اہتمام کیا گیا جس میں عوام نے بڑھ چڑھ کر حصہ لیا جو اس بات کو ظاہر کرتا ہے کہ عوام اور سی آر پی آیف کے درمیان تعلقات بہتر ہیں۔
مزید پڑھیں:
