عیدالاضحیٰ کے موقع پر لوگ ایک دوسرے کو مبارکباد دینے کے لیے گھر جارہے ہیں، لیکن جنوبی کشمیر کے ترال سے تقریباً سترہ کلو میٹر دور بنگہ ڈار کی آبادی آج عید کے روز بھی بیرون دنیا سے کٹ کر رہ گئی۔
عید کے موقع پر بنگہ ڈار گترو کی آبادی مقامی نالے میں تیز بہاؤ کی وجہ سے بیرون دنیا سے کٹ کے رہ گیا کیونکہ نالہ نارستان پر پل نہ ہونے سے لوگ دوسرے جانب نہیں جا سکے۔ یہاں لوگوں کو روزانہ نالے کو عبور کرنا پڑتا ہے۔ آج نالے میں تیز بارشوں کی وجہ سے لوگ قربانی کا گوشت بھی دیگر گاؤں میں تقسیم نہیں کر سکے اور نہ ہی کوئی گاؤں میں حاضر ہو سکا۔
مقامی شہری فاروق احمد نے ای ٹی وی بھارت کو بتایا کہ مسلسل بارشوں کے بعد نالے میں پانی کا بہاؤ بڑھ گیا ہے جس کی وجہ سے ہم نالہ پار کرنے سے قاصر ہیں اور عید کے روز بھی ہم لوگ قربانی کا گوشت تقسیم نہیں کر سکے اور نہ ہی کوئی دوسرا ان کے گاؤں آسکا۔
یہ بھی پڑھیں: عید کے ایام میں ایس او پیز کا خاص خیال رکھیں: ڈی سی پلوامہ
ایک اور شہری محمد یوسف نے بتایا کہ 'گاؤں کی ایک خاتون درد زہ میں مبتلا کو بھی ہم گھر سے اسپتال نہ لاسکے کیونکہ نالے میں بہاؤ بہت بڑھ گیا ہے'۔
مقامی لوگوں کی لمبے عرصے سے مانگ ہے کہ مقامی نالے پر پل تعمیر کیا جائے۔
