مقامی لوگوں کے مطابق دوران شب ایک دکان میں آگ لگی، جس نے رہائشی مکان کو بھی زد میں لے لیا۔ اگر چہ مقامی اور فاٸر ایمرجنسی پانپور کے جوانوں نے بروقت کوشش سے آگ کومزید پھیلنے سے روک لیا گیا، تاہم اس واقعہ نے تب تک ایک رہائشی مکان اور ایک دکان کو راکھ کر دیا۔
فاٸر اینڈ ایمر جنسی افسر پانپور محمد عبدالحی نے کہا کہ' مقامی لوگوں نے انہیں بر وقت اطلاع دی، جس کے بعد ہم لوگوں نے بھی بہت جلدی موقع پرپہنچنے کی کوشش کی، لیکن شدید آگ کی وجہ سے دو ڈھانچے خاکستر ہو چکے تھے۔
انہوں نے کہا کہ' مقامی افراد نے بھی فاٸر سروس جوانوں کی مدد کی ورنہ آگ سے بہت زیادہ نقصان ہو سکتا ہے۔انہوں نے لوگوں سے اپیل کی ہے کہ وہ ہمیشہ فاٸر اینڈ ایمرجنسی کے جوانوں کا تعاون کریں کیونکہ آپسی تعاون سے بڑے حادثے پر بھی قابو پایا جاسکتا ہے۔
وہیں، نامہ نگاروں سے بات کرتے ہوئے مالک مکان نے کہا کہ' آگ کی اس واقعہ سے ان کے گھر میں موجود لاکھوں روپے کی مالیت کے سازو سامان تباہ ہو گئے ہیں۔ انہوں نے کہا کہ' ان کے پاس اس مکان اور دکان کے سوا کوٸی سرمایہ نہیں تھا، جس کے سبب انہوں نے انتظامیہ سے امداد کی اپیل کی ہے'۔
