پلوامہ: فاٸنانشل کمشنر و ایڈیشنل چیف سیکرٹری محکمہ زراعت اتل دلو نے جنوبی کشمیر کے ضلع پلوامہ کے محتلف علاقوں کا دورہ کیا۔ اس موقعے پر ان کے ہمراہ محمکہ باغبانی کے ڈائریکٹر غلام رسول میر، محمکہ باغبانی کے ضلع افسر جاوید احمد اور محمکہ کے دیگر افسران موجود تھے۔ فاٸنانشل کمشنر نے ضلع کے مختلف علاقوں میں قاٸم کیے گئے ہاٸی ڈینسٹی باغات کا معائنہ کیا۔ اس کے علاوہ انہوں نے لاسی پورہ میں کولڈ اسٹوریج یونٹس کا بھی جاٸزہ لیا۔ اس دورے کے دوران فائنا نشل کمشنر نے ضلع کے کسانوں سے بھی ملاقاتیں کیں۔ اس ملاقات کے دوران کسانوں نے کمشنر کے سامنے کئی سارے مطالبات رکھے، کمشنر نے کسانوں نے سارے مطالبات سنے اور انہیں تیقین دلایا کہ وہ اُن کے جاٸز مطالبات کو ترجیحی بنیادوں پر حل کریں گے۔
فاٸنانشل کمشنر نے کہا کہ ایگریکلچر اور ہارٹیکلچر ہماری اقتصادیت کی ریڑھ کی ہڈی ہے۔ اس لئے ہمیں ہر معاملے میں اس سیکٹر کو مضبوط کر نا چاہے تاکہ کسانوں کی آمدنی بڑھائے جانے کے ساتھ ساتھ جموں کشمیر کی اقتصادی سرگرمیوں کو بھی مستحکم کیا جاسکے۔ فاٸنانشل کمشنر نے کہا کہ ضلع پلوامہ ایگریکلچر اور ہارٹیکلچر کے لحاظ سے کافی بہتر ہے اس لئے یہاں کے زیادہ سے زیادہ لوگوں کو اس سیکٹر کے ساتھ جڑناچاہے تاکہ ضلع پلوامہ اس معاملے میں ایک مثال قاٸم کر سکے۔
مزید پڑھیں: Director Horticulture Visits Pulwama محکمہ باغبانی کے ڈائریکٹر نے پلوامہ کا دورہ کیا
یہ بات قابل ذکر ہے کہ ضلع پلوامہ میں تقریباً اس وقت 500 ہیکٹر اراضی کو ہائی ڈینسٹی باغات میں تبدیل کیا گیا ہے جبکہ یہ سلسلہ ابھی بھی جاری ہے۔ کسانوں کے مطابق انہیں ہائی ڈینسٹی باغات سے کافی فائدہ ہورہا ہے۔
