جموں و کشمیر کے ضلع پلوامہ کے رہموں علاقے میں دیر رات چوروں نے ایک دکان لوٹنے کی کوشش کی لیکن پڑوسیوں کے بیدار ہونے پر چور وہاں سے بھاگ نکلے۔
دوران شب دیوار توڑ کر دکان لوٹنے کی کوشش
اطلاع کے مطابق پلوامہ کے رہموں علاقے میں دیر شب کچھ چوروں نے ایک کیرانہ کی دکان کی دیوار توڑ کر چوری کرنے کا ارادہ بنایا تھا، تبھی دیوار کوتوڑ نے کی آواز سن کر پڑوس کے لوگ بیدار ہوگئے۔
مزید پڑھیں: بڈگام: دو رہائشی مکانات اور ایک گئوشالہ منہدم
پڑوسیوں کے بیدار ہونے پر چور وہاں سے فرار ہوگئے، کچھ ہی دیر میں لوگوں کی بھیڑ جمع ہوگئی، علاقے کے لوگوں نے اس بات کی اطلاع پولیس کو دی۔ پولیس نے بھی اس معاملے کی تصدیق کرتے ہوئے کہا کہ' اس سلسلے میں ایک کیس درج کر لیا گیا ہے، معاملے کی تحقیقات شروع کردی گئی ہے۔
