جنوبی کشمیر میں اونتی پورہ پولیس نے پنزگام، اونتی پورہ کے نزدیک ایک شخص کو مشکوک حالت میں گھومتے ہوئے دیکھا، تلاشی لینے پر اس کے قبضے سے چار کلو گرام چرس برآمد کر لیا گیا۔
ضبط کیے گئے چرس کی قیمت لاکھوں روپے بتائی جا رہی ہے۔
پولیس نے مذکورہ منشیات فروش کی شناخت گلزار احمد بٹ ساکن لدر مڈ کے طور پر کی ہے۔
پولیس نے اس سلسلے میں ایک ایف آئی آر زیر نمبر 148/2020 درج کر کے تحقیقات شروع کر دی ہے۔
واضح رہے کہ گزشتہ دو ماہ کے دوران اونتی پورہ پولیس نے منشیات فروشوں کے خلاف مہم تیز کی ہے جس کی عوامی حلقوں میں کافی ستائش کی جا رہی ہے۔
