ترال: منشیات کی وبا کو روکنے کے مقصد سے آج لرگام ترال میں محکمہ مال، ایکسائز اور پولیس کی جانب سے خشخاش کی کاشت کے خلاف مہم چلائی گئی، جس دوران علاقے میں مختلف جگہوں پر اس فصل کو تباہ کیا گیا۔ یہ مہم نائب تحصیلدار لرگام عبدالرشید کی نگرانی میں چلائی گئی۔ اس دوران ٹیم میں شامل ریونیو ،ایکسائیز اور پولیس نے علاقے کے ارد گرد خشخاش کی کاشت کو تباہ کیا۔Drive Against Poppy Cultivation
یہ مہم نادر، لرگام، پستونہ، واگڈ اور دیگر دیہات میں چلائی گئی۔ مہم کے دوران متعلقہ افسران نے لوگوں سے اپیل کی کہ وہ اس فصل کو اگانے سے پرہیز کریں۔ انتظامیہ کی جانب اس سے پہلے بھی بارگام، سیموہ علاقے میں اسی طرح کی ایک مہم چلائی گئی تھی، جس دوران مذکورہ علاقے میں موجود خشخاش کی کاشت کو تباہ کیا گیا تھا۔ تاہم مقامی لوگوں نے الزام لگایا کہ مخصوص مقامات پر ہی خشخاش کو تباہ کیا گیا۔
مزید پڑھیں:
میڈیا سے بات کرتے ہوئے نائب تحصلدار لرگام عبدالرشید شاہین نے بتایا کہ عوام کو چاہیے کہ منشیات کی مہم میں ہمارے ساتھ تعاون کریں، کیونکہ یہ ہمارے سماج کے لیے سم قاتل ہے۔ انہوں نے لوگوں سے اپیل کی کہ وہ دو دن میں از خود خشخاش کی فصل کو تباہ کریں ورنہ بعد میں ان کے خلاف کارروائی ہوگی۔
