پلوامہ: ڈپٹی کمشنر پلوامہ ڈاکٹر بشارت قیوم نے تحصیل آفس راجپورہ کا دورہ کرتے ہوئے دفتر کا معائنہ کیا۔ انہوں نے آن لائن خدمات کو بہتر بنانے اور سرکاری کاموں کی کارکردگی کو بڑھانے کے لیے انتظامیہ کی لگن کی سراہا کی۔ دورے کے دوران ڈپٹی کمشنر نے تحصیل آفس راجپورہ کا جامع معائنہ کیا، جہاں انہوں نے دفتر کے کام کے مختلف پہلوؤں پر باریکی سے توجہ دی۔ اس دورے کا مقصد اس بات کو یقینی بنانا تھا کہ دفتر مقامی کمیونٹی کی ابھرتی ہوئی ضروریات کو پورا کرنے کے لیے اچھی طرح سے تیار ہے۔
ریونیو سسٹم میں درستگی اور کارکردگی کو یقینی بنانے کے لیے ریونیو دستاویزات اور ریکارڈ سمیت تمام اسیکشنز کا مکمل جائزہ لیا گیا۔ شکایات کے ازالے کے طریقہ کار کی جانچ پڑتال کی گئی، تاکہ شہریوں کے تحفظات اور شکایات پر ردعمل کو بہتر بنایا جا سکے۔
مزید پڑھیں: Ayushman Bhava Campaign پلوامہ میں سترہ ستمبر سے آیوشمان بھو مہم شروع ہوگی، ڈی سی پلوامہ
ڈی سی نے افسران اور اہلکاروں کو ہدایت کی کہ وہ شکایات کے بروقت نمٹانے اور PSGA کی ٹائم لائن کے ساتھ تمام خدمات کی فراہمی کو یقینی بنائیں۔ وہیں تحصیلدار کو ہدایت دی گئی کہ وہ دفتر کے اندرونی حصے اور احاطے کو فیولفٹ کرائیں اور اسے شہری دوست اور خصوصی طور پر معذور افراد کے لیے قابل رسائی بنائیں۔تحصیل آفس راجپورہ کا دورہ دفاتر کے جاری جائزے کا حصہ ہے تاکہ ایک زیادہ ذمہ دار انتظامیہ تشکیل دی جا سکے جو کمیونٹی کی ضروریات کے ساتھ بہتر طور پر ہم آہنگ ہو۔
