موسم بہار کی آمد کے ساتھ ہی جنوبی کشمیر کے سب ڈسٹرکٹ ترال انتظامیہ نے روسی سفیدوں کو کاٹنے کے متعلق مارچ کے وسط میں باضابطہ آرڈر جاری کیا تھا لیکن اپریل کا مہینہ شروع ہونے کے بعد بھی حکم نامے پر عملدرآمد ہونا باقی ہے۔
روسی سفیدوں کی کٹائی کی تاخیر سے آئندہ دنوں میں ایک سنگین صورتحال پیدا ہو سکتی ہے۔
کورونا وائرس کے بڑھتے ہوئے خطرات کے پیش نظر ان روسی سفیدوں سے نکلنے والی روئی عام لوگوں کو زکام، کھانسی اور الرجی میں مبتلا کرسکتی ہے۔
اس کے متعلق مقامی شھری بشیر احمد میر نے بتایا کہ موجودہ صورتحال میں روسی سفیدوں کو کاٹنے کا عمل بہت پہلے شروع ہونا چاہیے تھا تاہم نہ جانے انتظامیہ کو اب کس بات کا انتظار ہے،اسی طرح کے خیالات کا اظہار دوسرے مقامی شھری نے بھی کیا ہے۔
مقامی لوگوں کا مطالبہ ہے کہ روسی سفیدوں کو کاٹنے کا عمل جلد از جلد شروع کیا جایے۔
