ترال(پلوامہ):ترقی کے مختلف منصوبوں کا جائزہ لینے کے لیے آج ٹاون ہال ترال میں ہفتہ کے روز ایک جائزه میٹنگ منعقد ہوئی۔ اس جائزہ میٹنگ کی صدارت ڈی ڈی سی ممبر ترال ڈاکٹر ہر بخش سنگھ نے کی۔ بی ڈی او ترال کے علاوہ میٹنگ میں وی ایل ڈبلیوز، پنچ اور سرپنچوں کی بڑی تعداد موجود تھی۔ میٹنگ میں کیپیکس بجٹ2023-24 کے حوالے سے متعدد امور پر تفصیل سے بات چیت کی گئی جبکہ امرت سرور، پی ایم اے وائی اور دیگر اسکیموں کے تحت مختلف کاموں کے بارے میں تفصیل سے گفت و شنید کی گئی۔ اس موقع پر مختلف پنچایتی راج کے نمائندوں نے اپنے اپنے سفارشات پیش کیے جن کا موقع پر حاضر آفیسران نے جواب دیا۔
میڈیا کے ساتھ بات کرتے ہوئے ڈی ڈی سی ممبر ترال ڈاکٹر ہربخش سنگھ نے بتایا کہ ترال علاقے میں جامع ترقی کے اہداف حاصل کرنے میں دہی ترقی محکمے کا کلیدی رول ہے اور اس محکمہ کی بدولت دہی علاقوں میں ترقی نے رفتار پکڑ لی ہے اور اسی لیے ہم نے ایک جائزہ میٹنگ رکھی تھی تاکہ صورت حال کا جائزہ لیا جا سکے۔ ڈاکٹر ہربخش سنگھ نے عوام سے اپیل کی کہ وہ دیہی ترقی کے کاموں کا جائزہ ازخود لیں اور عوامی نوعیت کے کاموں میں شمولیت کر یں
مزید پڑھیں:DDC Tral Accuses Health Dept of Mismanagement ترال میں ہیلتھ شعبہ، ’احمد کی ٹوپی محمود کے سر‘
