مرکز کے زیر انتظام جموں وکشمیر کے ضلع پلوامہ کے ترقیاتی کمشنر ڈاکٹر راگھو لنگر نے آج تحصیلدار پانپور و دیگر افسروں کے ہمراہ قصبہ پانپور کے مختلف ریڈزون علاقے کا دورہ کیا۔
اس موقع پر انہوں نے تحصیلدار پانپور کو ہدایت دی کہ وہ ریڈ زون علاقے میں لوگوں کو ایڈواٸزری پر عمل کروائیں اور ایس او پیز کے مطابق چلنے پھرنے کی اجازت دیں تاکہ کورونا وائرس کے انفیکشن کو مزید پھیلنے سے روکا جا سکے۔
کمشنر ڈاکٹر راگھو لنگر نے تحصیلدار کو مزید ہدایت دی کہ بغیر ماسک پہن کر باہر نکلنے والوں پر جرمانہ وصول کریں تاکہ کورونا وائرس جیسی مہلک بیماری پر مکمل طور سے قابو پایا جاسکے۔
اس موقع پر تحصیلدار پانپور نے لوگوں کو متنبہ کیا ہے کہ وہ غیر ضروری طور پر بازاروں اور دیگر ہجوم والے علاقوں میں جانے سے پرہیز کریں اور اگر کسی ضروری کام سے بھی جانا ہو تو ایس او پیز پر پوری طرح سے عمل کی جانی چاہیے۔
واضح رہے کہ قصبہ پانپور سے آج کروناوائرس کے 37 مثبت کیسز کی تصدیق گئی ہے، جن میں سی آر پی ایف کے 20 جوان اور علاقے کے 17 عام شہری شامل ہیں۔
