اجلاس میں بتایا گیا کہ مرکزی تقریب ڈسٹرکٹ پولیس لائنز پلوامہ اور پولیس لائن اونتی پورہ اور تمام تحصیل ہیڈ کوارٹرز میں منعقد کی جائے گی۔
جموں و کشمیر پولیس سی آر پی ایف ہوم گارڈ سرکاری اور نجی سکولوں کے طلبہ مارچ پاسٹ پریڈ میں شرکت کریں گے۔
اس دوران مثالی کام کرنے والے ملازمین کو تعریفی اسناد اور انعامات سے نوازا جائے گا ۔
ڈی سی نے تمام سرکاری دفاتر خاص طور پر تمام پنچایتوں میں قومی پرچم لہرانے پر زور دیا۔
ڈی سی نے عہدیداروں کو ہدایت کی کہ وہ حکام کی طرف سے جاری کردہ ہدایات کے مطابق مناسب حفاظتی انتظامات پارکنگ کی سہولیات اور بیٹھنے کے مناسب انتظامات کو یقینی بنانے کے علاوہ بجلی اور پانی کی بلا تعطل فراہمی کو یقینی بنائیں۔
انہوں نے محکمہ صحت کو یہ بھی ہدایت کی کہ مناسب عملے ایمبولینس اور میڈیکل سہولیات کے ساتھ متعلقہ مقامات پر مناسب تعداد میں میڈیکل کیمپ لگائے جہاں ضلع میں یوم آزادی تقریب منعقد کی جائے گی۔
انہوں نے میونسپل کمیٹی کے عہدیداروں کو ہدایت کی کہ وہ ڈسٹرکٹ پولیس لائنز پلوامہ سڑکوں اور شہر کے اطراف میں صفائی رکھیں۔
مزید پڑھیں:سرینگر: یوم آزادی کی تقریب سے قبل ڈرون کیمروں کا ٹرائل رن
اس جائزہ میٹنگ میں ایڈیشنل ڈسٹرکٹ ڈویلپمنٹ کمشنر پلوامہ ، ایس ایس پی پلوامہ ، ایڈیشنل ڈپٹی کمشنر پلوامہ و ترال ، اسسٹنٹ کمشنر ڈویلپمنٹ ، چیف میڈیکل آفیسر ، چیف ایجوکیشن آفیسر ، آر اینڈ بی ، پی ایچ ای ، پلوامہ کے سینئر سول ، آرمی اور پولیس افسران اور دیگر متعلقہ افسران اس میٹنگ میں موجود تھے۔
