نجی ادارے نے ضلع ہسپتال پلوامہ کو ایمبولینس عطیہ کی

ترقیاتی کمشنر بصیر الحق چودھری نے کہا دیگر اداروں کو بھی اس مشکل وقت میں سامنے آکر عوام کی مدد کرنی چاہیے تاکہ اس مشکل وقت کا مقابلہ ممکن بن سکے۔

جنوبی کشمیر کے ضلع پلوامہ کے لاسی پورہ کے صنعتی علاقے میں واقع ایک نجی صنعتی ادارے نے آج ضلع ترقیاتی کمشنر پلوامہ بصیر الحق چودھری کو ضلع ہسپتال پلوامہ کے لئے جدید آلات سے لیس ایک ایمبولینس گاڑی عطیہ کے طور پیش کی۔

ضلع ترقیاتی کمشنر پلوامہ نے سی ایم او پلوامہ اور نجی صنعتی ادارے کے چیئرمین کی موجودگی میں اس ایمبولینس کا باضابطہ طور افتتاح کیا اور اس ایمبولینس کو سی ایم او ڈسٹرکٹ ہسپتال پلوامہ کے سپرد کیا۔

ترقیاتی کمشنر بصیر الحق چودھری نے کہا کہ کووڈ 19 کے اس مشکل وقت میں یہ ایمبولینس لوگوں کے کافی کام آ سکتی ہے۔ اس ادارے کا یہ قدم قابل ستائش ہے۔

انہوں نے کہا دیگر اداروں کو بھی اس مشکل وقت میں سامنے آکر عوام کی مدد کرنی چاہیے تاکہ اس مشکل وقت کا مقابلہ ممکن بن سکے۔

واضح رہے کہ یہ ایمبولینس النور ایگری فریش کی جانب سے عطیہ کی گئی۔