متعلقہ افسر نے کہا کہ 'یہ گاڑیاں یا تو سڑکوں کے کنارے کھڑی کی گئی تھیں یا سڑکوں پر یوں ہی چھوڑ دی گئی تھیں۔ میونسپلٹی انتظامیہ نے ان گاڑیوں کو ضبط کر لیا اور اسے اپنے احاطے میں ٹھا لے گئی۔ جس کے بعد گاڑی مالکان پر جرمانہ عائد کیا گیا۔
انہوں نے بتایا کہ یہ کارروائی ضلع ترقیاتی کمشنر (ڈی سی) پلوامہ، راگھا لنگھر کی ہدایت پر کی گئی ہے ۔
میڈیا سے گفتگو کرتے ہوئے ڈی سی نے کہا کہ پرانے پارک اسٹینڈ پر پارکنگ کی کافی جگہ دستیاب کرائی گئی ہے جہاں لوگ اپنی گاڑیاں کھڑی کرسکتے ہیں۔
انہوں نے کہا کہ ' کئی ڈرائیورز اب بھی اپنی گاڑیاں سڑکوں پر کھڑی کردیتے ہیں جس سے دوسرے لوگوں جنہیں بھی اپنی گاڑیاں پارک کرنی ہوتی ہے اور آنے جانے والوں کو کافی پریشانیوں کا سامنا کرنا پڑتا ہے۔'
انہوں نے کہا کہ لوگوں کو پارکنگ کی سہولت سے فائدہ اٹھانا چاہئے اور انہیں اپنی ذمہ داری سمجھنی ہوگی۔ " انتظامیہ شہر میں ٹریفک مینجمنٹ کو درست کرنے کے لیے پرعزم ہے۔"
