بیٹ انڈسٹری کورونا کی زد میں

عبد المجید کا کہنا ہے کہ کشمیر کا بیٹ پوری دنیا میں مشہور ہے لیکن اس صنعت کا دائرہ بڑھانے کے لئے حکومت کچھ نہیں کر رہی ہے۔ حالانکہ وزیراعظم نریندرمودی نے بھی ایک بار کشمیری بیٹ کی تعریفیں کی تھیں لیکن زمینی سطح پر اس صنعت کو درپیش مسائل کے لیے اب تک کچھ نہیں کیا گیا ہے۔

لاک ڈاؤن کی وجہ سے جہاں ہرطرف معاشی بحران نظر آ رہا ہے وہیں کشمیر کی بیٹ انڈسٹری بھی مسلسل لاک ڈاؤن کی وجہ سے تنزلی کا شکار ہے اور اس صنعت سے وابستہ افراد بھی مایوس کن صورت حال میں مبتلا ہو گئے ہیں۔

سرینگر جموں قومی شاہراہ پر واقع متعدد دیہات جن میں چرسو، اونتی پورہ، ہالہ مولہ، بارسو اور دیگر دیہات شامل ہیں، میں بیٹ انڈسٹری کا دائرہ کافی بڑھ گیا ہے۔ تاہم مسلسل لاک ڈاؤن کی وجہ سے تاجر سخت پریشانی میں مبتلا ہو گیے ہیں۔